BUMULAGTA sa pananambang ang isang barangay captain at dalawa magkapatid na kasama nito nang ratratin ng motorcycle riding men sa Pampanga nitong Sabado ng gabi.
Pawang nagtamo ng tama ng bala ng kalibre .45 sa dibdib at namatay noon din ang mga biktimang sina Rodrigo Tongol, 50-anyos, barangay captain ng Mesilipit, Bacolor town.
Nadamay naman sa pagatake ang dalawa sa pitong sakay ni Tongol, ang magkapatid na sina Pedro, 60-anyos at Merlito Pineda, 50-anyos.
Blangko naman ang pulisya sa kung sino ang may pakana ng pag-atake pero may palagay na may kaugnayan ito sa pagtakbong muli ni Tongol bilang tserman sa ikalawang pagkakataon.
Sa ulat, naganap ang insidente na ikinasa habang bumubuhos ang ulan dakong 7 nitong Sabado ng gabi sa isang bisinidad ng Bacolor town.
Bago ito, minamaneho ni Tongol na tatakbong muli bilang tserman, ang barangay service vehicle at sakay ang pito pang kasamahan kabilang ang magkapatid na Pineda.
Pagsapit sa lugar, sinalubong ng mga putok ng baril na ipinatama ng mga suspect sa sasakyan ng mga biktima.
The post Tserman, mag-utol, lagas sa pananambang sa Pampanga appeared first on Remate.