PINAGTATAGA hanggang mapatay ng isang naburyong na lalaki ang kanyang dating nobya na ngayon ay nagdadalantao at ang anak nitong babae sa Sarangani province kaninang umaga, Agosto 7.
Dead on arrival sa ospital sanhi ng mga taga sa iba’t ibang parte ng katawan ang biktimang si Mary Jane Baldonado, 18 at anak nitong si Mary Love, 1, kapwa ng Barangay JP Laurel, Malungon, Sarangani province.
Nahuli naman agad at nakakulong na sa Malungon PNP detention cell ang suspek na si Sherwin Lim.
Ayon kay Chief Insp Lorovie Rojo, hepe ng Malungon PNP, naganap ang insidente kaninang ala-1:28 ng hapon sa bahay ng mag-ina.
Bago ito, bigla na lamang pumasok ang suspek na armado ng itak sa bahay ng mga biktima saka sila pinagtataga habang nanonood ng telebisyon.
Base sa nakalap na impormasyon, ang suspek ay dating boyfriend ni Mary Jane at hindi matanggap na ipinagpalit siya ng biktima sa kanyang sariling pinsan na nakilalang si Ruel.
The post Buntis, 1-anyos na anak kinatay ng ex-BF appeared first on Remate.