PATAY ang isang vendor nang pagbabarilin ng dalawang hindi nakikilalang suspek habang natutulog sa loob ng kanilang bahay sa Payatas, Quezon City kaninang madaling araw.
Kinilala ang biktima na si Arnold Elloso, 34, binata, ng 3-Rose St., Area Payatas, QC.
Ayon kay SPO2 Modestino Juanson ng Quezon City Police District Criminal Investigation and Detection Unit (QCPD-CIDU), naganap ang insidente sa loob ng bahay ng biktima sa No.3 Rose St., Area Payatas, QC dakong alas-2:00 ng madaling-araw.
Kasalukuyang natutulog ang biktima sa loob ng kanilang bahay nang pasukin ng dalawang salarin na nakasuot ng itim na jacket, itim na pantalon at naka-helmet at walang sabi-sabing pinagbabaril sa iba’t ibang parte ng katawan.
Matapos ang pamamaril tumakas ang mga suspek sakay ng isang motorsiklo at iniwan ang duguang biktima.
The post Vendor tinodas habang natutulog appeared first on Remate.