APEKTADO na ng oil spill mula sa lumubog na barko ang mga mangingisda at mga bakawan sa baybayin ng 11 barangay sa Cordova, Cebu.
Ito ay dahil umabot na ang langis ng MV St. Thomas Aquinas ng 2GO Shipping Lines ang 15 kilometro ng coastline ng nabanggit na bayan.
Umaapela naman ang lokal na pamahalaan ng Cordova ng tulong para sa paglilinis sa kumalat na langis na maitim at malapot pa.
Batay sa report sa radyo, pitong coastal barangays ng Lapu-Lapu City ang apektado na rin ng oil spill.
Gayunman, hindi naman kahalintulad sa Cordova na malapot at maitim ang langis na kumalat dito.
Matatandaan na nakabanggaan ng MV St. Thomas Aquinas ang isang cargo vessel na pag-aari ng dating Sulpicio Lines, 34 na ang naiulat na namatay.
The post 11 barangay sa Cordova apektado ng oil spill appeared first on Remate.