IMBES sumuko sa mga rumespondeng tauhan ng Philippine National Police (PNP) ang 48-anyos na lalaki ay nakipagpalitan pa ito ng putok na nagresulta sa kanyang kamatayan makaraang ireklamo ng pagwawala at walang habas na pamamaril kaninang madaling-araw sa Parañaque City.
Patay ang biktimang si Ferdinand Pureza, ng Barangay San Antonio Valley, sanhi ng tama ng bala sa katawan mula sa mga nagrespondeng pulisya.
Batay sa ulat, humingi ng tulong sa pulisya ang isang hindi nakilalang babae dahil sa walang habas na pagpapaputok ng baril ni Pureza habang nasa impluwensiya ng alak pasado alas-4 ng madaling araw.
Tinangka pang himukin ng mga tauhan ng Paranaque police ang biktima na isuko ang kanyang hawak na armas subalit pinaputukan umano nito ang mga pulis na kaagad gumanti ng putok na ikinamatay ng lalaki.
Tumanggi namang magbigay ng kumpletong detalye ang Parañaque police kaugnay sa nangyaring insidente sa hindi pa mabatid na dahilan.
The post Lalaking namaril, todas sa pulis appeared first on Remate.