KRITIKAL ang isang binata nang pagsasaksakin ng hindi pa kilalang suspek habang naglalakad papunta sa tindahan sa Caloocan City, Huwebes ng madaling-araw, Agosto 22.
Ginagamot sa Jose Reyes Memorial Medical Center sanhi ng mga saksak sa katawan si Renato Albao, 19, ng Torsillo St., Dagat-dagatan ng lungsod.
Sa ulat, alas-12:30 ng madaling-araw, naglalakad papunta sa tindahan sa nasabing lugar ang biktima nang lapitan at pagsasaksakin ng suspek.
Matapos ang insidente ay tumakas ang suspek habang dinala naman ang biktima sa JRMMC.
Inaalam na ng mga pulis kung sino at ano ang motibo ng salarin.
The post Binata sinaksak, kritikal appeared first on Remate.