PATAY na nang makita ang isang pedicab driver habang nakahiga sa flooring ng ipinapasadang pedicab sa Valenzuela City Miyerkules ng gabi, Agosto 21.
Kinilala ang biktima na si Elmer Ocampo, 56 ng Coloong I, nasabing lungsod.
Sa ulat, alas-8 ng gabi nang makita ng ilang residente ang biktima na duguan at nakahandusay sa flooring ng ipinapasadang pedicab habang nakaparada sa kalsada sa nasabing lugar.
Lumalabas na may saksak sa leeg ang biktima na huling nakitang nakikipag-inuman sa hindi pa kilalang lalaki.
Inaalam na ng mga pulis kung sino ang nakainuman ng biktima bago natagpuang patay.
The post Pedicab driver natagpuang patay sa ipinapasada appeared first on Remate.