PATAY ang isang 22-anyos na pedicab driver nang pagtulungang pagsasaksakin ng tatlong suspek habang nagpapahinga sa loob ng kanyang pedicab sa Tondo, Maynila kaninang madaling-araw.
Idineklarang dead on arrival sa Gat Andres Bonifacio Hospital ang biktimang si Ramon Christopher Vergara, binata, ng Bldg. 8 Room 403 Sambahayan, Kagitingan, Moriones, Tondo, Manila sanhi ng anim na saksak sa katawan.
Inaalam naman ang pagkakakilanlan sa mga suspek na tumakas matapos ang insidente.
Sa report ni SPO1 Charles John Duran ng Manila Police District (MPD)-homicide section, dakong 1:45 ng madaling-araw nang naganap ang insidente sa kanto ng Moriones at Kagitingan Sts., Tondo.
Ayon kay Duran, nagpapahinga ang biktima sa kanyang pedicab nang lapitan siya ng tatlong suspek, isa sa kanila ay hinawakan ang leeg ng biktima habang ang dalawa ay pinagsasaksak sa iba’t-ibang bahagi ng katawan nito.
Inaalam pa ng pulisya kung ano ang motibo sa pagpatay.
The post Pedicab driver inatado, dedo appeared first on Remate.