KRITIKAL ang isang Barangay Captain nang pagbabarilin ng dalawang hindi pa kilalang mga suspek sakay ng motorsiklo sa Caloocan City, Miyerkules ng umaga, Agosto 28.
Ginagamot sa Manila Central University Hospital sanhi ng mga tama ng bala sa katawan si Felipe Alday, 59, Chairman at residente ng Barangay 178, Camarin ng lungsod.
Sa ulat, alas-7:50 ng umaga, nag-aalmusal ang biktima sa karinderya sa Durian St., Camarin nang sumulpot ang mga suspek at walang salitang pinaulanan ng bala si Alday.
Matapos ang insidente ay tumakas ang mga suspek sakay ng motorsiklong walang plaka.
Inaalam na ng mga pulis kung sino ang mga suspek at kung may kaugnayan sa pulitika ang nasabing insidente.
The post Brgy. Captain binaril ng motorcycle riding men, kritikal appeared first on Remate.