KRITIKAL ang isang kelot matapos pagsasaksakin ng dating nobyo ng kinakasama ng una habang kumakain ng fish ball sa Caloocan City, Miyerkules ng hapon, Agosto 28.
Ginagamot sa Manila Central University Hospital sanhi ng mga saksak sa katawan si Jefferson Pineda, 25 ng Pangako St., Bagong Barrio ng lungsod.
Pinaghahanap naman ng mga pulis si Alvin John Floro, 22 ng Romblon Alley, Bagong Barrio ng lungsod.
Sa ulat, alas-4 ng hapon, kumakain ng fish ball ang biktima sa Peta St., Bagong Barrio ng lungsod nang lapitan at pagsasaksakin ng suspek.
Matapos ang insidente ay tumakas ang suspek habang dinala naman ang biktima sa MCU.
Lumalabas na dating nobyo ng suspek ang kinakasama ngayon ng biktima na hindi na nakuha ang pangalan.
The post Kelot sinaksak ng dating nobyo ng kinakasama, kritikal appeared first on Remate.