SUMADSAD ang isang balyena sa tabi ng dagat ng Brgy. Naglicuan, Pasuquin, Ilocos Norte.
Ang balyena ay isang pygmy killer whale na may laking 2.26 meters o mas malaki kaysa kalabaw, ayon kay Arthur Valente, fishery regulatory coordinator ng Provincial Agriculture Office.
Dagdag pa nito na ang nasabing balyena ay may malalim na gunshot wound.
Upang maprotektahan sa infection, agad itong tinurukan ng mga kasapi ng Provincial Veterinary Office ng antibiotic at muling ibinalik sa dagat.
Madalas sumadsad ang mga balyena sa baybaying bahagi ng Ilocos Norte dahil maituturing na convergence area ang lalawigan ng West Philippine Sea at Pacific Ocean.
Maaari ring ang dahilan ng madalas na pagsadsad ng mga sea mammal sa bahagi ng lalawigan ay upang maghanap ng makakain, naligaw o dinala ng mga malalaking alon sa dagat.
The post Balyena sumadsad sa Ilocos Norte appeared first on Remate.