NABUTAS ang dibdib ng isang lalaking nagnakaw ng alimango nang maaktuhan at barilin ng may-ari ng fishpond sa Camarines Sur kaninang madaling-araw, Agosto 30.
Namatay noon din sanhi ng isang tama ng caliber 22 rifle sa kanang bahagi ng dibdib ang biktimang si Florante Blansa.
Nahuli naman agad at sasampahan ng kasong homicide ang suspek na si Arturo Mayat,
may-ari ng fishpen sa Ragay, Camarines Sur.
Sa ulat, naganap ang insidente alas 4:35 ng madaling-araw sa loob mismo ng fishpen ng suspek.
Ayon sa pulisya, bago ang insidente ay matagal nang may namemerwisyong indibidwal sa fishpen ng suspek kaya palagi niyang inaabangan ang pag-atake nito.
Kaninang madaling-araw, nakarinig ng kaluskos ang suspek kaya mabilis na kinuha ang kanyang baril at sinilip kung sino ang nasa loob ng kanyang fishpen.
Nang may makitang anino ng tao na kumukuha ng mga alimangong kanyang alaga, agad kinalabit ng suspek ang kanyang baril at tinamaan ang biktima.
The post Tirador ng alimango, binoga ng may-ari ng fishpen appeared first on Remate.