PATAY ang 51-anyos na traffic enforcer nang pagsasaksakin matapos magwala dahil sa kalasingan kagabi sa Parañaque City.
Dead on arrival sa South Super Hi-way Medical Hospital ang biktimang si Diosdado Salver Dela Cruz, ng Landscape Annex, United Parañaque Subd. IV, Brgy. Marcelo Green, nabatid na lungsod, sanhi ng tatlong tama ng saksak sa iba’t- ibang bahagi ng katawan.
Pinaghahanap naman ng pulisya ang suspek na si Jojo Aguilar, agad tumakas matapos ang insidente.
Sa imbestigasyon ni SPO2 Reynaldo Arojado ng Station Investigation and Detective Management Section ng Parañaque City Police, alas-7 ng gabi ay nakikipag-inuman ang biktima sa tapat ng kanilang bahay kasama ang mga kaibigan nang bigla na lamang nagwala at nagbasag ng mga bote kaya’t iniwanan siya ng mga ito.
Ayon kay May Bernadette Casero, pamangkin ng biktima, may isang lalaki ang lumapit at biglang pinagsasaksak ang kanyang tiyuhin.
Mabilis na isinugod sa ospital ang biktima kasama ang kanyang asawa na si Jederna Dela Cruz kung saan ay paulit ulit na binibigkas ng biktima ang pangalang Jojo Aguilar na siyang sumaksak sa kanya.
Patuloy na iniimbestigahan ng pulisya ang motibo sa pamamaslang.
The post Traffic enforcer, patay sa pananaksak appeared first on Remate.