MATAPOS ipatupad ang search warrant, arestado ang isang call center agent at dalawa pang tulak ng shabu sa Pasay City sa isinagawang operasyon ng anti-narcotics agents ng Philippine Drug Enforcement Agency (PDEA) noong September 5, 2013.
Kinilala ni PDEA Director General Undersecretary Arturo G. Cacdac Jr., ang mga nahuling sina Michael T. Chua, alias Macky, 31, call center agent at residente sa 2164 Laging Handa Street, Pasay City; Armando R. Dayao, alias Jerome, 47, ng 551 M Santos Street, Pasay City at Mario E. Flores, 53, ng 168 Villaroel Street, Pasay City.
Nauna rito, naglabas ng search warrant si Exec. Judge Hon. Marino M. Dela Cruz ng branch 22 Manila RTC na ikinadakip ng tatlong suspek. Ang pag-aresto ay ipinatupad ng pinagsanib na puwersa ng PDEA Special Enforcement Service (PDEA SES), Naval Intelligence Security Force (NISF) at Police Station 3, Pasay City.
Nakumpiska sa tatlong suspek ang walong sachet ng shabu at maraming drug paraphernalia.
Kinasuhan ang tatlo ng paglabag sa Section 11 (Possession of Dangerous Drugs) at Section 15 (Use of Dangerous Drugs), Article II of Republic Act 9165, also known as the Comprehensive Dangerous Drugs Act of 2002.
The post Call center agent, 2 pa timbog sa shabu appeared first on Remate.