SUGATAN ang isang binata matapos sasaksakin ng isa sa tatlong hindi pa nakikilang suspek habang naglalakad kaninang madaling araw sa Brgy. Tonsuya, Malabon City.
Ginagamot sa Pagamutan Bayan ng Malabon si Gigino Paz, binata, ng Brgy. Tonsuya ng lungsod sanhi ng mga tama nito sa dalawang kamay at braso.
Mabilis namang tumakas ang di pa nakikilalang suspek patungong Pinagsabugan Longos, Malabon.
Ayon sa ulat, dakong alas 2:50 kaninang madaling araw ng maganap ang insidente sa kahabaan ng Sanciangco st. ng nasabing barangay.
Nauna rito, naglalakad ang biktima kasama ang kaibigan nitong si Louie Cabales para bumili ng pagkain sa malapit na burger machine ng biglang harangin at sitahin ng mga suspek na humantong sa mainitang pagtatalo.
Hanggang sa bigla na lamang nagbunot ng patalim at pinagsasaksak ang biktima saka mabilis na tumakas ang mga suspek patungong Pinagsabugan Longos Malabon.
Patuloy na nagsasagawa ng masusing imbestigasyon ang mga otoridad at inaalam ang tunay na motibo sa nasabing insidente.
The post Binata sinaksak, sugatan appeared first on Remate.