NAGSAGAWA ng kilos protesta sa Mendiola ang ilang grupo ngayong araw kasabay ng Zero Remittance Day for Zero Pork ng Overseas Filipino Workers (OFWs).
Ito ay bilang pakikiisa panawagan sa pagbasura sa Priority Development Assistance Fund (PDAF) o pork barrel ng mga pulitiko para maiwasan ang koraspyon.
Napag-alamang nasa 23 bansa ang nakikiisa sa protesta kabilang na sa Gitnang Silangan na maraming bilang ng OFW at ilan pang bansa sa mundo.
Bitbit ng mga OFW sa Mendiola ang kanilang placards na nagsasabing i-abolish na ang pork barrel ng mga pulitiko.
Giit din ng grupo na ilaan na lamang ang pondo sa tamang serbisyo publiko at hindi naibubulsa lamang ng mga corrupt na mga pulitiko.
The post Zero remittance sinabayan ng protesta sa Mendiola appeared first on Remate.