SUMUKO kaninang umaga (Setyembre 19) sa awtoridad ang mahigit sa 15 tauhan ni Moro National Liberation Front founding chairman, Nur Misuari, sa Zamboanga City, na isang hudyat na malapit nang matapos ang krisis, ayon sa isang military official.
Sinabi ni Lt. Col. Harold Cabunoc, Philippine Army’s 7th Civil Relations Group commander na ang nasabing bilang ay sumuko sa Army’s 44th Infantry Battalion at ng Philippine National Police’s elite Special Action Force (PNP-SAF).
Ang una, aniyang, 10 miyembro ng MNLF ay sumuko sa Barangay Sta. Catalina habang ang second batch naman ay sumuko na rin makalipas ang ilang sandal lamang.
Ang pagsuko ay nangyari, mahigit sa isang linggo matapos i-hostage ng mga MNLF ang ilang sibilyan at saka naglatag ng stand-off versus tropa ng pamahalaan.
The post 15 Misuari followers, sumuko appeared first on Remate.