PATAY na nang makita ang isang retiradong guro sa loob ng tinutuluyan na eskuwelahan sa Valenzuela City Martes ng madaling araw.
Nakilala ang biktima na si Luzvismin Porras, 65 nanunuluyan sa Montevilla School sa San Francisco st., Karuhatan ng lungsod.
Sa pahayag ng saksing si Rose Pabalate, nagtataka siya dahil maghapon hindi dumaan sa kanilang canteen ang biktima.
Dakong alas-5 ng madaling araw, sinilip niya ang biktima sa loob ng tinutuluyan at nakitang nakahandusay ang nasawi.
Humingi ng tulong sa mga pulis ang saksi at nalaman na patay na ang biktima na nagtamo ng head injury na siyang ikinamatay.
Inaalam na kung may foul play sa pagkamatay ng biktima.
The post Retiradong guro, patay na nang makita appeared first on Remate.