SUMAKABILANG-BUHAY na ang dating intelligence chief ng Iloilo City Police Office (ICPO) na si retired P/Supt. Musa Amiyong na binaril noong Nobyembre 22 sa Quirino Bridge sa Barangay Rizal, Lapuz, Iloilo City.
Kinumpirma ang masamang balita ng mismong misis ng biktima na si Rajima Amiyong, alas-11 kaninang umaga.
Naratay ito ng halos isang linggo bago binawian ng buhay sa Iloilo St. Paul’s Hospital.
Napag-alaman na dalawang bala ang tumama sa leeg ng biktima matapos binaril ng dalawang suspek na sakay ng motorsiklo.
Hindi pa rin nahuhuli ang mga suspek habang una nang lumabas na may kaugnayan sa trabaho at personal na motibo ang pagpatay sa biktima.
Bago ang nasabing insidente ay ilang beses na rin na pinagtangkaan ang buhay ng retiradong opisyal.
The post Binaril na ret. police colonel sa Iloilo, patay na appeared first on Remate.