NAKALABAS na ng ospital ang tatlong Pinoy na nasugatan sa naganap na ferry accident sa Hong Kong, Huwebes ng gabi.
Ayon sa Philippine Consulate sa Hong Kong, walang dapat alalahanin ang mga kaanak ng mga nasugatang Pinoy dahil hindi naman malubha ang mga injury nila kaya hindi na kinailangang magtagal sa ospital.
Sinasabing ayaw pahintulutan ng Hong Kong ordinance ang pagsasapubliko sa mga pangalan ng mga nasugatan.
Una rito, sinabi ng Pinoy boat operator ng Turbojet sa Philippine consulate na walang kababayang kasama sa mga pasahero nang maganap ang aksidente.
Umaabot sa 85 katao ang nasugatan at tatlo ang nasa kritikal na kondisyon.
Naganap ang aksidente nang sumalpok sa “unidentified object” ang double-deck hydrofoil “Madeira” na may lulang 105 pasahero at 10 crew habang patungo ng Macau.
The post 3 Pinoy na sugatan sa HK ferry accident, nakalabas na ng ospital appeared first on Remate.