NALAMBAT ng mga awtoridad ang limang holdaper na sangkot sa serye ng bus holdup sa Quezon City matapos madakip ang mga ito sa isinagawang follow-up operation sa Meycauyan, Bulacan.
Kinilala ni Quezon City Police District director chief Supt. Richard Albano, ang mga nadakip na sina Ariel Adrales, 36, ng Paradise St., San Ildefonso, Bulacan; Roger Alaraz, 41, driver ng Muzon, San Luis, Batangas; Aquilino Soriano, 52, ng San Andres St., Malanday, Valenzuela,; Jeffrey Reyes, 27, taxi driver ng NorthVille, Bayugo, Meycauyan, Bulacan at Bobby Bondoc, 36, bus driver ng Pulong Buhangin, Sta. Maria, Bulacan.
Ayon pa kay Albano, nitong nakalipas na Nobyembre 30, 2013 hinoldap ng mga suspek ang aircon bus na Malanday Metro Link bus (TWJ-728) habang tinatahak ang kahabaan ng EDSA corner Quezon Avenue, QC tatlo sa mga suspek ay armado ng baril at nilimas ang mga gamit ng mga pasahero.
Agad nag-report sa pulis ang mga pasahero nang hinoldap na bus kasama ang driver ng bus na si Bondoc sa QC police station 10 Kamuning at nagkunwang inosente ang huli sa naganap na holdapan.
Subalit sa imbestigasyon ng QC police Criminal Investigation and Detection Unit (CIDU) at interogasyon kay Bondoc, nagduda ang mga pulis sa mga hindi magkakatugma na sagot ng driver kung kaya nagduda ang mga ito na kasabwat ito ng mga holdaper.
Lalo pang nagduda ang mga pulis na kasangkot si Bondoc sa holdapan matapos magtext ang isa sa mga holdaper sa planong panghoholdap sa minamaneho nitong bus.
At nitong Disyembre 1, 2013 muling sumalakay ang mga suspek matapos holdapin ang isang CHER bus (TYM-957) at nilimas ang mga gamit ng pasahero ng bus.
Tumakas ang mga suspek sakay ng Diane at Kelsy taxi (TXF-806) at matapos ang naturang holdapan dito na nakumbinsi ng mga pulis si Bondoc na makipagtulungan sa mga awtoridad.
Kahapon Disyembre 1, 2013, alas-8:00 ng umaga nadakip ng pinagsanib na operatiba ng QCPD-CIDU, QC police station 2, QC police Station 10 Kamuning ang pinagtataguan ng mga suspek sa Phase-1, Lot 49, NorthVille, Meycauyan, Bulacan at nadakip ang apat na suspek.
The post 5 holdaper ng bus nalambat sa QC appeared first on Remate.