ARESTADO sa buy-bust operation ng pulisya ang isang lalaking sangkot sa talamak na bentahan ng shabu sa Barangay Wawa kagabi sa Taguig City.
Kinilala ang naarestong suspek na si Alberto Cruz, Jr., 58, ng Pepsay Compound, ML Quezon St., makaraang mahuli sa kanya ang dalawang pakete na naglalaman ng shabu na ibinenta niya sa awtoridad na nagpanggap na buyer.
Batay sa imbestigasyon, ilang linggo nang tinitiktikan ng operatiba ng SAID-SOTG ang aktibidad ni Cruz bunga ng natanggap na impormasyon na kabilang siya sa malaking sindikato na nagpapakalat ng shabu sa Barangay Wawa.
Sa ulat, alas-8:30 kagabi nang pagbentahan ni Cruz ng shabu si PO3 Joseph More na nagpanggap na buyer sa loob mismo ng Pepsay Compound at habang tinatanggap ang P1,000 markadong salapi, dinampot na siya ng mga pulis na nakatambay na sa paligid.
Kasong paglabag sa R.A. 9165 o Comprehensive Dangerous Drug Act sa ilalim ng Article II Section 5 at 11 ang isinampa ng pulisya sa Taguig City Prosecutors Office laban kay Cruz.
The post Pusher huli sa buy-bust sa Taguig appeared first on Remate.