Tacurong City Sultan Kudarat – Dead-on-the spot ang isang barangay councilor ng Nagpan, Malungon, Sarangani province matapos barilin ng hindi nakilalang suspek.
Kinilala ang biktima na si Raul Dimagnaong, residente sa nasabing lugar.
Sa panayam ng REMATE kay S/Insp. Jude del Carmen, tagapagsalita ng Sarangani Provincial Police Office, tatlong hindi kilalang lalaki ang biglang pumasok sa bahay ng biktima kung saan umiinom ito ng kape hanggang sa binaril.
Dagdag pa ni S/Inspector Jude del Carmen na narekober sa crime scene ang basyo ng caliber .45 pistol.
Bagama’t sinabi sa inisyal na imbestigasyon, mayroong nakaaway na councilor din ang biktima sa Brgy. Nagpan.
Isa pang ibang motibo na tinututukan ay may kaugnayan sa land conflict.
Sa ngayon ay inaalam pa ng pulisya ang pagkakilanlan ng mga suspek.
The post Kagawad pinatay sa Sarangani appeared first on Remate.