UMABOT na sa 5,796 ang lista ng mga patay kaugnay ng pananalasa ng bagyong Yolanda.
Ayon sa National Disaster Risk Reduction and Management Council (NDRRMC), muli silang nakarekober ng mga bangkay sa Tacloban.
Hindi pa nakikilala ang mga ito.
Umakyat pa sa 27,022 ang sugatan sa bagyo habang nasa 1,779 ang nawawala.
Lumobo naman sa 12.2 milyon katao ang naitalang apektado ng bagyo sa 44 lalawigang sinalanta ng super typhoon, samantalang P35.2 bilyon naman ang halaga ng pinsala sa agrikultura at imprastraktura.
Matatandaang inatasan ni Pres. Benigno Simeon Aquino III si dating Sen. Panfilo Lacson na pamunuan ang rehabilitasyon sa mga luagr sa Visayas.
The post UPDATE: Patay kay ‘Yolanda’ 5796 na appeared first on Remate.