NASA kritikal na kondisyon at nilalapatan ng lunas sa Laoag City General Hospital ang isang tricycle driver matapos saksakin ng kanyang bayaw sa Brgy. 9, San Nicolas, Ilocos Norte.
Kinilala ang biktima na si Cesar Cudal, habang ang suspek ay si Oliver Gapet, kapwa residente ng nasabing barangay.
Sa imbestigasyon, nag-ugat ang pananaksak sa matagal na nilang hindi pagkakaunawaan.
Nasugatan ng saksak sa kaliwang bahagi ng tiyan at sa kanang kamay ang biktima.
Agad na tumakas ang suspek matapos ang madugong insidente.
Sa ngayon ay patuloy na pinaghahanap ng mga awtoridad ang salarin.
The post Trike driver tinarakan ng bayaw, kritikal appeared first on Remate.