KRITIKAL ang isang binatilyo matapos saksakin ng kaibigang binatilyo makaraan ang kulitan habang papauwi galing sa inuman sa Caloocan City Sabado ng madaling-araw, Disyembre 14.
Ginagamot sa Caloocan Medical Center sanhi ng saksak sa likod si Reynaldo Olaybar Jr., 17 ng Narra Alley, Bagong Barrio ng lungsod.
Pinaghahanap naman si Dagul Morales, 17 ng Tirona st., Bagong Barrio ng lungsod.
Sa ulat, ala-1 ng madaling-araw, papauwi ang suspek at ang biktima galing sa inuman subalit pagdating sa lugar ng una ay nagkakulitan hanggang sa magsuntukan.
Nagbunot ng patalim ang suspek at tinarakan ang biktima na naging dahilan upang dalhin sa CMC habang tumakas naman ang suspek kung saan inaalam na ng mga pulis kung ano ang pinagtalunan.
The post Binatilyo kritikal sa kaibigan appeared first on Remate.