PATAY ang isang tricycle driver makaraang pagbabarilin ng tatlong salarin sa pila ng tricycle sa Quezon City kagabi, Disyembre 18, 2013, Miyerkules.
Kinilala ang biktima na si Edwin Meral, 40, tricycle driver ng 40 Ally 2 West St., Brgy. Holy Spirit, QC na namatay noon din dahil sa tama ng bala ng baril sa katawan.
Ayon kay SPO2 Modestino Juanchon ng Quezon City Police District Criminal Investigation Unit (QCPD-CIDU), naganap ang insidente sa BF Road, corner Commonwealth Avenue, Brgy. Holy Spirit, QC alas-8:45 kagabi.
Sinabi sa ulat, nakapila ang biktima sa kanilang TODA terminal ng tricycle at naghihintay ng pasahero nang pagbabarilin ng tatlong hindi kilalang suspek sakay ng dalawang motorsiklo.
Namataan ng witness na si Daniel de Leon, kasamahan ng biktima ang sunod-sunod na pagbaril sa biktima ng mga suspek.
Matapos ang pamamaril, tumakas ang mga suspek sakay ng dalawang motorsiklo.
The post Trike driver tinodas sa pila ng tricycle appeared first on Remate.