BAGO pa sumapit ang Bagong Taon, apat na kabataan na ang naging biktima ng paputok na piccolo sa South Cotabato.
Ayon kay South Cotabato Provincial Health officer Dr. Rogelio Aturdido, ang naturang rekord ay mula pa noong buwan ng Oktubre ng taong kasalukuyan.
Kaugnay nito, hinihikayat ng opisyal ang mga implementing agency na maging istrikto sa pag-monitor sa mga ipinagbabawal na paputok sa probinsya.
Samantala, hindi lamang mga implementing agency, maging ang mga magulang dahil malaki ang responsibilidad nila sa pagbabantay ng kanilang mga kabataan sa pagpapaputok sa panahon ng Pasko at Bagong Taon.
Hinihikayat din ng opisyal ang mga tao na huwag nang magpaputok at sa halip i-donate na lamang ang ibibili ng paputok sa mga biktima ng super typhoon Yolanda.
The post 4 na bata, biktima ng piccolo sa South Cotabatao appeared first on Remate.