LOVE TRIANGLE ang nakikitang motibo sa pagpatay sa stay-in security guard ni Manila Councilor Nino dela Cruz matapos barilin sa ulo habang bumibisita sa kanyang girlfriend na tindera sa isang bakery kaninang madaling-araw sa Tondo, Maynila.
Kinilala ang biktima na si Nilo Misperos, 23, security guard at stay in sa bahay ng nasabing konsehal sa 389 Zaragosa St., Tondo, Maynila.
Si Misperos ay naisugod pa sa Gat Andres Bonifacio Medical Center (GABMC) at nailipat sa Ospital ng Maynila (OSMA) bago nalagutan ng hininga, alas-4:20 ng madaling-araw.
Nakatakas naman ang mga suspek na riding-in-tandem.
Sa report, alas-12:30 ng madaling-araw nang mangyari ang pamamaril sa harap ng Modest Bakery sa Zaragosa St. Tondo kung saan nagtatrabaho ang kanyang kasintahan.
Ayon kay Julie Ann Bodollo, girlfriend ng biktima, stay-in tindera sa nasabing bakery, bumisita sa kanya ang biktima at habang nakatayo sa bakery ay sumulpot ang mga suspek.
Bumaba sa motor ang isa at malapitang binaril sa likurang bahagi ng ulo ang biktima.
The post Sekyu ni Manila Councilor Nino dela Cruz, binoga appeared first on Remate.