DAHIL sa hindi pagsusuot ng helmet, nabisto na karnap ang dalang motorsiklo ng binata sa Caloocan City, Martes ng hapon, Disyembre 24.
Kinilala ang suspek na si Adrian Hernandez, 18 ng Phase 4, Bagong Silang, nasabing lungsod.
Sa ulat, alas-3 ng hapon nang tangayin ng suspek ang Racal-MD100R na for registration habang nakaparada sa Emilio Surplus Appliances Store sa Main Road ng Phase 1, Bagong Silang ng lungsod.
Dahil walang suot na helmet ay nasita ang suspek ng mga pulis at nang hanapan ng rehistro ay walang naipakita na naging dahilan upang dalhin sa presinto.
Nang malaman ng biktima na nadakip ang suspek ay nagpunta sa presinto at matapos magpakita ng mga ebidensya na kanya ang motorsiklo ay ibinalik bago sinampahan ng kasong carnapping ang suspek.
The post Carnapper dakip dahil walang suot na helmet appeared first on Remate.