PATAY ang walong pasahero matapos bumaligtad ang isang bus sa Mexico.
Kabilang sa mga namatay ang isang buntis at isang bata.
Batay sa impormasyon, nangyari ang insidente sa kahabaan ng Monterrey-Saltillo Highway sa labas ng Coahuila state.
Patungo sana ang bus sa Central Guadalajara, Jalisco.
Lumalabas sa inisyal na imbestigasyon ng pulisya na mabilis ang takbo ng bus kaya nawalan ng kontrol ang driver hanggang sa tuluyang bumaligtad.
Sa ngayon ay nasa kustodiya na ng mga awtoridad ang bus driver.
Maliban sa mga namatay, 23, ang sugatan sa insidente kabilang ang dalawang taong gulang na bata.
The post 8 pasahero patay, 23 sugatan sa bumaligtad na bus appeared first on Remate.