TIGBAK ang dating barangay tanod makaraang pagbabarilin ng isang lalaking nakasakay sa motorsiklo sa Brgy. Veterans, Quezon City, kaninang hapon, Disyembre 26, 2013.
Bumulagta sa gitna ng malakas na pagbuhos ng ulan ang biktimang si Joel Luwalhati, 48, dating barangay tanod ng Brgy. Veterans, QC.
Ayon kay PO3 Antonio Montero ng Quezon City Police District Station 2 Masambong, naganap ang insidente sa Bansalangin St., cor. EDSA, Brgy. Veterans, ala-1:40 ng hapon kanina.
Sinabi ni PO3 Montero na naglalakad ang biktimang si Lualhati sa naturang lugar nang pagbabarilin ng suspek na nakasuot ng helmet sakay ng motorsiklo.
Napag-alaman na pumunta lamang sa kanyang mga kapatid sa Brgy. Veterans ang biktima dahil dito siya nagdiwang ng Pasko.
Sinisiyasat pa ng mga awtoridad ang naturang insidente kabilang ang dalawang CCTV camera mula sa dalawang establisimyento para matukoy ang suspek sa pamamaslang.
The post Dating barangay tanod itinumba appeared first on Remate.