NATIGBAK sa aksidente ang isang lalaking walang bahay habang sugatan naman ang ka live-in nang suwagin ng humahagibis na sports utility vehicle (SUV) ang kanilang itinutulak na kariton sa Quezon City.
Dead on arrival sa East Avenue Medical Center (EAMC) sanhi ng kapansanan sa ulo at katawan ang biktimang si Ernesto Serbito, 57.
Nanatili namang inoobserbahan sa nasabing pagamutan ang live-in partner ni Ernesto na si Ellen Fernandez, 50.
Swak naman sa kasong reckless imprudence resulting in homicide at serious physical injuries at nakaditine na ngayon sa QC traffic sector 4 ang nagmamaneho ng Mitsubishi Adventure (XEX-141) na si Edgar Magbanua, 58.
Sa ulat, naganap ang insidente alas-6:15 nitong Huwebes ng gabi sa San Vicente Bliss sa University Avenue sa Barangay UP Campus, Q.C.
Bago ito, nanggaling sa pangangalakal ang magka-live in at magkasabay na itinulak ang kanilang kariton nang pa-counter flow sa nasabing lugar.
Dahil sa may kadiliman sa lugar at bukod pa na nasa counter flow sa trapiko ang magkalive-in, hindi na naiwas pa ni Magbanua ang kanyang manibela at sinuwag ang mga biktima.
The post Mag-asawa, sinuwag ng SUV, 1 lagas, 1 sugatan appeared first on Remate.