ITINAPON ang bangkay ng lalaki na biktima ng salvage sa paanan ng Philcoa overpass sa Quezon City.
Sa pagsisiyasat, ibinalot sa isang itim na plastic bag ang biktimang kinilala lamang sa alyas “Bungo” nang matagpuan ng mga construction worker bandang alas-9:30 kagabi.
Nakita ng isang contruction worker ang daliri ng biktima na lumitaw sa itim na plastic bag, kaya agad nilang inabisuhan ang mga pulis na nasa nagpapatrulyang mobile car.
Kinumpirma ng Scene of the Crime Operatives (SOCO) na may tama ng saksak ng ice pick sa iba’t ibang bahagi ng katawan ang biktima.
Tinatayang may 5’6 hanggang 5’7 ang taas nito at nasa edad na 25 – 30. Asul ang buhok ng biktima.
Hubo’t hubad din ang katawan nitong puno ng tattoo ang katawan nang matagpuan ng mga awtoridad.
Patuloy naman ang imbestigasyon sa natagpuang bangkay at inaalam kung sino ang nagtapon sa bangkay ng biktima.
The post Biktima ng salvage itinapon sa overpass sa QC appeared first on Remate.