PATAY ang isang principal ng paaralan sa Negros Occidental matapos barilin ng guro na nagbaril din sa sarili.
Binawian ng buhay si Jojit Gaudiel, 40, OIC-principal ng Trinidad Elementary School sa Pontevedra, Negros Occidental dahil sa tama ng bala sa ulo mula sa kalibre .38
Samantala namatay noon din ang guro na kinilalang si Harold Salas, 37, matapos magbaril sa sarili.
Una rito, naunang tinutukan ng baril ng suspek ang kasamahang guro na si Nenita Delgado ngunit hindi pumutok ang baril saka hinabol naman si Mr. Espadera ngunit nakapagtago naman kaya napagbalingan ni Salas na barilin ang kanilang principal bago nagpakamatay din.
Patuloy pa ang imbestigasyon ng pulisya sa motibo ng krimen ngunit pinaniniwalaang may kaugnayan ito sa buhay pag-ibig ng suspek sa babaeng co-teacher.
Sinasabing nakarating sa kaalaman ng mga magulang ng babae ang kanilang relasyon at tutol sa kanya ang mga ito.
The post Principal tinodas ng guro, bago nagbaril sa sarili appeared first on Remate.