ISANG Pinoy ang pinatay matapos saksakin habang dumadalo sa isang birthday party sa Honolulu, Hawaii.
Kinilala ang biktima na si Marlon Basuel, tubong Brgy. Sabangan, Sinait, Ilocos Sur ngunit nakatira sa Waipahu.
Nabatid na dalawang katao kabilang ang isa pang Ilokano ang nakaalitan sa dinaluhang birthday party na kinilalang si Jose Inigo, tubong Ilocos Sur.
Isa sa mga suspek ang humawak kay Basuel habang ang isa naman ang sumaksak sa kanya base sa imbestigasyon ng pulisya.
Isinugod sa hospital si Basuel ngunit hindi na nailigtas pa.
Hanggang sa ngayon ay hindi pa nakikilala ng pulisya ang pangalawang suspek.
Ang pangyayari ay laman ng mga pahayagan sa Waipahu kung saan malakas ang puwersa ng mga Ilokano.
The post Pinoy pinatay habang nasa b-day party sa Hawaii appeared first on Remate.