KALABOSO ang isang kapitan ng barangay matapos gawing sex slave ang 24-anyos na dalaga sa Masbate.
Nasagip ng pinagsanib na puwersa ng Bulan at Masbate City police ang biktima mula sa kamay ng adik na kapitan na si Tito Ibaya, 42, ng Brgy. Mapina nasabing lungsod.
Napag-alaman na dinukot ng kapitan ang dalaga kamakalawa ng gabi at ikinulong sa isang lodging house saka paulit-ulit na pinagsamantalahan.
Maliban dito, pinuwersa pa ng suspek ang dalaga na tumikim ng ipinagbabawal na droga.
Nang makakuha ng tiyempo ang biktima, nag-text ito sa kanyang pamilya na siya namang humingi ng tulong sa pulisya.
Narekober sa loob ng silid ang kalibre .22 na baril, limang mga bala, heat-sealed plastic ng shabu, siyam na aluminum foil, dalawang plastic sachet na may residue ng nasabing droga, digital weighing scale, limang cellphones at perang nagkakahalaga ng P400.
The post 24-anyos na dalaga, sex slave ni kapitan appeared first on Remate.