NASAKOTE ng awtoridad ang isang lalaki matapos ang limang oras na pangho-hostage sa isang bata sa Barangay Concepcion, Naga City.
Dahil dito, bumagsak sa kulungan ang suspek na si Jeric Bodollo, 23.
Nabatid sa imbestigasyon na nagselos ang suspek dahil alas-9 na ng gabi ay hindi pa umuuwi ang kinakasamang si Cristina Adolfo, 36.
Dahil sa pagkainip at hinalang may ibang kinatagpong lalaki si Cristina, hinostage ng suspek ang 12-anyos na batang anak ng ka-live-in.
Nagkulong ito sa loob ng bahay habang nakatutok ang kutsilyo sa bata.
Pasado alas-2 na ng madaling-araw kanina nang mapasuko ni Naga City Mayor John Bongat ang suspek na todo tanggi namang hinostage niya ang bata.
Nagkaroon pa ng tensyon nang ipasok sa police car ang suspek matapos tumangging ibigay sa mga pulis ang bitbit na patalim.
Ayon sa pahayag ng suspek, nagselos lamang siya subalit hindi niya hinostage ang bata.
Inamin naman nito na minsan ay pisikal niyang nasasaktan ang kinakasamang guro pero hindi siya nagsisisi sa kanyang ginawa.
The post 12-anyos hinostage ng ka-live-in ng nanay appeared first on Remate.