INARESTO ng Manila Police District (MPD)ang mag-live-in partner matapos mahulihan ng di lisensyadong baril sa Quiapo, Maynila.
Kinilala ang mag-live-in na sina Eric Carlos, 26 at Ina Basilio, 25, ng Caloocan City.
Ang pagkakaaresto ng dalawa ay bunsod ng patuloy na operasyon kontra kriminalidad sa lungsod sa pamamagitan ng checkpoint.
Lahat nang dumaraang nakamotorsiklo ay pinahihinto upang matingnan ang kanilang mga lisensya at dokumento.
Magkaangkas ang dalawa sa motorsiklo nang parahin sa Quiapo dahil walang plaka ang kanilang motorsiklo.
Ininspeksyon din ng pulisya ang dalang bag ng lalaki at dito nakita ang di lisensyadong baril na kalibre .45-mm na nakakasa pa.
Sa ngayon ay kasalukyan pang nagsasagawa ng background check ang pulisya sa dalawa.
The post Mag-live in arestado sa checkpoint appeared first on Remate.