LIMANG katao ang nasugatan nang hagisan ng granada ng riding-in-tandem ang isang lumang simbahan sa Zamboanga City dakong 10 kaninang umaga, Pebrero 2.
Sinabi ni Zamboanga City Police Office (ZCPO) director OIC S/Supt. Angelito Casimiro, na isa sa mga biktima na nakilalang si Felicitacion Taro, 68-anyos ay nasa kritikal na kondisyon habang minor injury lamang ang tinamo ng kanyang anak na si Ivan , 7-anyos.
Isinugod naman sa Zamboanga City Medical Center ang tatlong iba pa na hindi nakuha ang mga pangalan.
Sa ulat, naganap ang insidente ala-5 ng madaling araw sa San Isidro Labrador Parish Church sa Barangay Talon-Talon.
Bago ito, nagpupulong ang isang grupo ng mga senior citizen sa nasabing simbahan nang dumating ang mga suspect at hinagisan ng granada ang kanilang kinatatayuan.
The post Lumang simbahan pinasabugan, 5 sugatan appeared first on Remate.