PATAY na nang matagpuan ang menor-de-edad na buntis sa Surallah, South Cotabato nitong Martes ng gabi, Pebrero 4.
Tinatayang may 3 hanggang 5 oras nang patay ang biktimang si Pretty Rose Sagabay Dimson, ng Zone 6, Barangay Libertad bago nadiskubreng nakabitin sa kisame ng kanilang bahay.
Ayon kay PO2 Rizaldy Cariño ng Surallah PNP, mismong ang live-in partner ng biktima na si Michael John Diente Montalbo, 22, ang nakakita kay Dimson na wala nang buhay.
Dinala agad sa pagamutan ang biktima ngunit idineklara na ito na dead-on-arrival (DOA) sanhi ng asphyxia o kawalan ng hangin sa baga.
Napag-alaman na tatlong buwan ng buntis ang biktima na gumamit ng tali sa kanyang leeg para magbigti.
Sa imbestigasyon ng Surallah PNP, nalaman na may hindi pagkakaintindihan ang magka-live-in bago nangyari ang pagpapakamatay ni Dimson.
The post 3 buwang buntis nagbigti sa S. Cotabato appeared first on Remate.