PATAY ang isang notorious hired killer matapos makipagbarilan sa pinagsanib na puwersa ng Navotas pulis kaninang madaling-araw sa Brgy. San Jose, Navotas City.
Kinilala ang namatay na si Russel Datuon, 28, ng Bagong Silang, nasabing barangay sanhi ng mga tama ng bala ng 9mm. pistol sa katawan.
Ayon sa ulat, alas-3:30 kaninang madaling-araw nag maganap ang barilan sa kahabaan ng Governor Pascual St..
Lumalabas na si Russel ay notorious hired killer na kasapi ng Lando Group Drug Syndicate (LGDS) na responsable sa pamamaril at paglikida sa ilang barangay tanod at negosyante.
Dahil sa nakalap na report ng mga awtoridad na muling may ipapalikida ang Lando group sa suspek ay agad silang bumuo ng joint team operation laban sa suspek.
Matapos maispatan ang suspek na sakay ng SYM na motorsiklo ay pinahinto siya ng operatiba pero namaril ito.
Dito na gumanti ng putok ang mga pulis na agad nasapol ng bala ang suspek na agaran nitong ikinasawi.
The post Hired killer utas sa mga pulis sa Navotas appeared first on Remate.