BUMAGSAK sa kamay ng awtoridad ang itinuturing na number one drug personality sa Mercedes, Camarines Norte.
Kinilala ang nadakip na si Antonio Cenon, alyas Tono; 33 ng Purok 2, Barangay 1.
Sa impormasyon na ipinaabot ng Camarines Norte Police provincial office, nahuli ang suspek sa buy-bust operation ng pinagsanib na pwersa ng Mercedes PNP, Philippine Drug Enforcement Agency (PDEA) at Camarines Norte Police Provincial Office.
Kasunod ito ng ipinalabas na search warrant ni Judge Roberto Escaro ng RTC Branch 38 sa Daet.
Nakumpiska ng grupo ang walong piraso ng heat sealed transparent sachet na tinatayang nasa 54 gramo ng shabu na nagkakahalaga ng P300,000.
Sa ngayon ay nakakulong na ang suspek at nahaharap na sa kasong paglabag sa Republic Act 9165 o ang Comprehensive Dangerous Drug Act.
The post Kilabot na pusher dakip sa CamSur appeared first on Remate.