NAHATI ang ulo at katawan ng isang paslit nang masagasaan ng backhoe nang iwasang mabangga ang kasalubong na Asian Utility Van (AUV) sa Aklan kaninang umaga, Pebrero 25.
Dead on the spot ang biktimang si Gian Zausa, 2, ng Banga, Aklan.
Nakakulong na ngayon at sasampahan ng kasong reckless imprudence resulting to homicide ang suspek na si Francisco Timoc, 54, tubong Florida, Pampanga.
Sa ulat, naganap ang insidente alas-8:45 ng umaga sa gilid ng kalsada sa Banga, Aklan.
Ayon kay P01 Neptali Hao, ng Banga PNP, bago ang insidente ay hindi namalayan ni Vivian Zausa, na nakalabas ng kanilang bahay ang kanyang apo na si Gian at tumakbo sa kalsada.
Tiyempo namang may iniwasan na AUV ang backhoe na pinapatakbo ng suspek kaya nasagasaan nito ang biktima na nasa gilid ng kalsada.
Ang backhoe ay pag-aari ng BSP and Company, Inc.
The post Paslit nagutay sa backhoe sa Aklan appeared first on Remate.