UMAABOT sa P2 milyon halaga ng mga alahas ang natangay ng mga miyembro ng Martilyo Gang sa isang jewelry shop sa Cubao, Quezon City kaninang umaga.
Ang pinasok na tindahan ng alahas ay ang First Allied Emporium Incorporated na nasa Farmer’s Plaza sa Cubao.
Nagkasa na rin ng pagtugis ang mga tauhan ng Quezon City Police District (QCPD) laban sa may apat hanggang limang suspek na pinaniniwalaang miyembro ng notoryus at pamosong Martilyo Gang na kilalang tirador ng jewelry shops sa Metro Manila.
Sa ulat, naganap ang panloloob alas-10 ng umaga sa ground floor ng nasabing establisimiyento sa G. Araneta Avenue.
Gaya ng mga inilatag na estilo sa kanilang mga nakaraang operasyon, lumabas sa imbestigasyon ng QCPD na nagpanggap na mga kostumer ang mga suspek at nang makaporma na sa loob ng nasabing jewelry shop ay binasag ang mga istante at saka kinulimbat ang mga alahas na naka-display saka tumakas.
The post UPDATE: P2-M natangay ng 4 holdaper sa jewelry store sa Cubao appeared first on Remate.