BUMULAGTA sa harap ng kanyang misis ang 35-anyos na lalaki matapos barilin ng nakaaway kaninang madaling-araw sa Sampaloc, Maynila.
Sa imbestigasyon, naganap ang insidente alas-12:30 ng madaling-araw sa Ma. Clara at E.Quintos Sts., Sampaloc, Maynila.
Nauna rito, natutulog ang biktima at asawa nitong si Alma, nang tumawag sa kanyang cellphone ang suspek na si Ryan Gonzales, ng Bambang, Sta. Cruz, Maynila.
Pinagbigyan naman ng biktima ang kagustuhan ng suspek na magkita sila kaya pinuntahan ang suspek, kasama ang kanyang misis.
Pagdating sa lugar ay umupo ang biktima sa tabi ng suspek na noon ay may kainumang dalawang lalaki at saka nag-usap ang dalawa.
Kasunod noon ay narinig na nagtatalo na ang dalawa at nakitang tinutukan ng suspek ang biktima ng .38 kalibreng baril sa may likurang bahagi ng tenga saka kinalabit ang gatilyo.
Matapos ang insidente ay nagmadaling tumakas ang suspek.
Inaalam na ang motibo sa krimen.
The post Mister binaril sa harap ni misis patay appeared first on Remate.