TIGOK ang isang lalaki habang sugatan naman ang angkas nito nang magpagiwang-giwang hanggang sa sumemplang ang motorsiklo ng una kaninang madaling-araw, Marso 4, sa Bgy. Santulan Malabon City.
Dead-on-the spot ang biktimang si Darwin Fernandez, 32, sanhi ng pagkabiyak ng bungo habang kritikal naman sa pagamutan ang kaangkas ng nasawi na si Leonidas Gestosani, 34.
Ayon sa ulat, alas-2:00 ng madaling-araw, nang maganap ang insidente sa kahabaan ng Rodriguez St., nasabing barangay.
Nauna rito , galing sa Malinta Valenzuela ang mga biktima mula sa inuman at habang tinatahak ang kahabaan ng E. Rodriguez St. ay biglang nagpagiwang-giwang ang motorsiklo nito.
Dahil mabilis ang takbo ay nawalan ng kontrol ang driver hanggang sa sumemplang.
Dahil walang suot na mga helmet ay nabasag ang ulo ni Fernandez, habang malubhang nasugatan naman si Gestosani.
The post Lasing na rider, utas sa semplang appeared first on Remate.