PATAY ang 30-anyos na lalaki makaraang pagbabarilin ng riding-in-tandem habang nasa loob ng kanilang bahay sa Batasan Hills, Quezon City kahapon ng hapon, Marso 5.
Kinilala ang biktima na si Reynaldo Suares, ng 34 Legislative Street, Batasan Hills, QC.
Si Suares ay namatay noon din dahil sa tama ng bala ng baril sa katawan.
Ayon kay SPO4 Peter Wala Wala ng Quezon City Police District station 6 Batasan, naganap ang insidente sa loob ng bahay ng biktima sa 34 Legislative St., Batasan Hills, ala-1:00 ng hapon.
Sinabi ni Wala Wala na nasa loob ng kanilang bahay ang biktima kasama ang kanyang misis na si Merlyn at nag-uusap nang pasukin ng dalawang hindi pa nakikilalang suspek na nakamaskara at nakasumbrero at pinagbabaril ang biktima.
Inaalam na ang motibo sa krimen.
The post Kelot niratrat sa loob ng bahay todas appeared first on Remate.