BAYAMBANG, PANGASINAN – Patay ang isang lalaki nang saksakin ng kaibigan matapos magkagalit dahil sa mabahong utot sa Bayambang, nasabing lalawigan.
Kinilala ang biktima na si Rodel Urbien, 43, binata, ng Barangay Hermoza, Bayambang.
Samantala, ang suspek naman ay si Joel Castillo, ng nasabi ring bayan.
Sa imbestigasyon, nagkukuwentuhan ang biktima at suspek nang umutot ang suspek na ikinagalit ng biktima.
Sinabihan ni Urbien ang suspek na napakabaho ng utot ni Castillo na ikinapikon naman ng huli.
Sa gitna ng kanilang pagtatalo, bumunot ng patalim ang suspek at inundayan ang biktima.
Ang biktima ay namatay habang isinusugod sa Bayambang District Emergency Hospital.
Sa ngayon, patuloy ang pahahanap sa suspek na tumakas matapos ang krimen.
The post Kelot utas dahil sa mabahong utot appeared first on Remate.