NAGAWANG makatakas ng limang bagets mula sa kulungan o Bahay Kalinga ng DSWD, kung saan dinadala ang mga kabataang may kaso sa Valenzuela City, Miyerkules ng gabi.
Isa si Erwin Guevarra, 19 ng San Andres St., Malanday ng lungsod na may kasong theft ang kasama sa mga tumakas.
Nasa edad 14 hanggang 17 ang iba pang nakatakas na may mga kasong robbery at attempted murder.
Sa ulat, dakong alas-8:10 ng gabi, nang makarinig ng kalabugan sa roof top ng Bahay Kalinga sa Jacinto St., Canumay West ng lungsod na naging dahilan upang akyatin ng mga bantay.
Tatlong kabataan ang napigilan habang nakatakas ang lima kung saan dumaan sa steel door sa roof top dahil sira ang kandado mula pa noong Enero 1, 2013.
Agad na ipinaalam sa mga pulis ang pangyayari at pinaghahanap na ngayon ang mga tumakas.